Gipaambit ni Jessa Gatdula ang iyang tinuod ug makapadasig nga istorya — usa ka damgo nga hapit nawagtang, pero napadayon pinaagi sa pagtuo ug paningkamot.
Human sa Senior High, nakapasar siya sa scholarship exam sa UC-Main, apan napahunong tungod sa pandemya. Wala usab siya madawat sa CHED scholarship. Nisuway siya sa CNU-B sa BSED-English, apan wala gihapon siya nakapadayon.
Nidesisyon siya nga mutrabaho isip sales agent, gahunahuna nga basin dili na para niya ang kolehiyo.
Sa iyang pagpaningkamot makabalik og skwela, napakyas siya sa exam, nasirad-an og oportunidad, ug nakapangutana sa iyang kaugalingon kung unsa gyud iyang padulngan.
Pero sa dihang hapit siya mu-undang, giablihan siya sa Ginoo og laing pultahan: Tourism.
Tuod, wala siya na-in love dayon. Apan nikupot siya sa oportunidad. Gidawat niya. Nagpakita, naminaw, ug nisuway.
Ug sa kadugayan, nahigugma siya sa iyang kurso.
Luyo sa mga gabii nga way tulog ug buntag nga puno og kakapoy, nikupot siya sa pag-ampo: “Lord, You brought me here. Please help me finish. Your will be done.”
Karun, nakagradwar siya isip CUM LAUDE sa Bachelor of Science in Tourism Management.
Sa mga estudyanteng naglisod karun, pahimangno ni Jessa: “If you’re in the middle of your hard season, hold on. I’ve been there. I know it’s heavy. But please believe me: This is not the end of your story. God’s plan is always bigger than your own. Don’t rush. Don’t quit. Just keep going. You’ll get there, too.”
